3 May 2024, Cümə
Millimiz Belarusa məğlub oldu
“Neftçi” mübarizəni dayandırdı
Yüksək Liqada mövsüm başa çatdı
“Zirə”dən gözlənilməz məğlubiyyət

Minifutbol

Minifutbol millimizin heyəti narazılıqla qarşılandı, baş məşqçi danışmaq istəmədi

Avropa çempionatının hazırlıq planına əsasən aprelin 24-dən mayın 2-dək Monteneqroda təlim-məşq toplanışı keçəcək minifutbol millimizin dünən açıqlanan heyəti narazılıqla qarşılanıb.

Futbolxeber.az saytının məlumatına görə, federasiyanın feysbuk səhifəsində millinin heyəti ilə bağlı paylaşıma yazılan şərhlərin əksəri neqativdir. Azarkeşlər Elşad Quliyevin dəvət göndərdiyi 20 nəfərlik siyahıda ölkə çempionatının 1/4 finalında “Aznur”a uduzaraq mübarizəni erkən dayandıran “Zirə”dən milliyə 10 nəfərin (heyətin yarısı) dəvət almasını xoş qarşılamayıblar. Halbuki 2 oyunun cəmində “Zirə”ni 6:0 hesabı ilə üstələyən “Aznur”dan cəmi 2, digər yarımfinalçı “Odlar Yurdu”ndan isə 1 futbolçu yığmaya dəvət alıb. Yarımfinalda “Aznur”un rəqibi olan “Real Bakı”dan isə ümumiyyətlə milliyə heç kim çağırılmayıb.

Azarkeşlərin bəzi fikirlərini təqdim edirik:

* “Bütün “Zirə”nin kadrosu yazılıb ki. Yəni Avropa çempionatında “Aznur” səviyyədə milli olsa biabırçılıq...”

* “Elçin niyə yoxdu Aznur”dan? “Zirə elə güclüydüsə Aznur”a 0:6 uduzmazdı! Heç olmasa Aznur”dan 4 nəfər bu il üçün seçilərdi də yığmaya...”

* Zirə”nin 10 oyunçusu? Ədalətli seçilməyib, məncə. “Real Bakı”, “Aznur”, “Odlar Yurdu”, “Qalaksi Bakı” - bu komandalarda elə oyunçular var ki, vallah seçilənlərin çoxundan zəif də deyillər. Elmar kimi qapıçını götürmürsüz”.

* “Aznur”a qol vura bilməyən “Zirə”nin oyunçuları rumınlara 5-6 dənə vurar”.

* “Bu il çempionatda ən yaxşı sezonu keçirən iki qapıçı oldusa, onlardan biri Elmar Qasımov idi. Nəinki o, həmçinin Elməddin Hüseynzadə, Mehdi Rəsulov. Bu futbolçular mütləq çağırılmalı idi. Bu oyunçular oyunu üzərinə götürüb komanda üçün böyük işlər görən uşaqlar idi”.

Göründüyü kimi, millinin heyəti narazılıqla qarşılanıb. Seçimlə bağlı fikirlərini öyrənmək, narazılıqlara aydınlıq gətirməsi üçün milli komandamızın baş məşqçisi Elşad Quliyevlə söhbətləşmək istəsək də, bu, baş tutmadı. Dünən ölkə çempionatının yarımfinal matçlarını canlı izləyən mütəxəssis müsahibə təklifimizə heç bir reaksiya vermədi. Halbuki Elşad Quliyev bunadək hər zaman suallarımızı cavablandırırdı...




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31