Millimiz yenə heç-heçə oynadı

Milli komandamız bu gün UEFA Millətlər Liqasında növbəti oyununu keçirib.

Futbolxeber.az saytının məlumatına görə, yığmamız 5-ci tur çərçivəsində Monteneqronu qəbul edib.

Bakıda keçirilməli olan matç ölkədəki hərbi vəziyyət səbəbindən Xorvatiyanın Zapreşiç şəhərindəki “İvan Laljak-İviç” stadionunda baş tutub. Qarşılaşmada üstün olan tərəf yığmamız olsa da, rəqib qapısına yol tapmaq mümkün olmayıb. 

Bu, millimizin ardıcıl üçüncü qolsuz heç-heçəsidir. Kiprlə Millətlər Liqasının dördüncü turunda və Sloveniya yığması ilə görüş də 0:0 hesabı ilə yekunlaşıb.

Qeyd edək ki, 5 turdan sonra millimiz 5 xalla qrupda üçüncü yeri tutur. Monteneqro 10 xalla birinci, Lüksemburqla 9 xalla ikinci, Kipr isə 4 xalla dördüncü yeri tutur. Son turda De Byazinin komandası səfərdə Lüksemburqun qonağı olacaq.

UEFA Millətlər Liqası

V tur

14 noyabr

Azərbaycan – Monteneqro 0:0

Qırmızı vərəqə: İqor İvanoviç, 45+2 (Monteneqro)

Hakimlər: Sergey İvanov, Roman Usaçev, Valeri Dançenko, Kirill Levnikov

Zapreşiç, Xorvatiya. İvan Laylak-İviç stadionu