Kanada hökuməti əfsanəvi qapıçıya qarşı sanksiya tətbiq etdi

Ukraynaya qarşı aparılan müharibə səbəbindən Kanada hökuməti növbəti dəfə Rusiya vətəndaşlarına qarşı sanksiya tətbiq edib.

Futbolxeber.az saytının məlumatına görə, budəfəki siyahıda fiziki və hüquqi şəxslər olmaqla, ümumilikdə 192 nəfərin adı var.

Sanksiyaya məruz qalanlar arasında deputat, Rusiya Hokkey Federasiyasının prezidenti, əfsanəvi hokkeyçi Vladislav Tretyak da yer alıb.   

Xatırladaq ki, 3 qat Olimpiya, 10 qat dünya və 9 qat Avropa çempionu olan Tretyak hokkey dünyasının ən parlaq simalarından hesab olunur.