"Erkən qol buraxmağımız acı məğlubiyyətə səbəb oldu"

“Millimiz bacardığı qədər oynadı. Nə etmək olar? Kosova bizdən daha üstün, sürətli idi”.

Bunu Futbolxeber.az saytına açıqlamasında millimizin sabiq üzvü Ramazan Abbasov deyib.

O, yığmamızın futbolçuları haqda da fikirlərini bildirib: “Əslində biz şansımızı sonuncu oyuna saxlamamalı idik. Maltanı hər iki oyunda udsaydıq sonuncu oyuna daha rahat çıxa bilərdik. Fikrimcə, hər bir futbolçu, millidədirsə, nəyi bacarırsa, artıqlaması ilə oynamalıdı. Bacardıqlarını oynadılar, sadəcə Kosova futbolçularının ustalıq səviyyəsi daha yüksək idi”.

“Bizə yalnız qələbə lazım odluğundan oyuna təzyiq altında çıxmışdıq. Erkən qol buraxmağımız isə acı məğlubiyyətə səbəb oldu. Bir sözlə gələcəyə hazırlaşmaq lazımdı. Belə bir şans isə çətinki bir də ələ düşə”- deyə, Abbasov fikirlərini yekunlaşdırıb.