“Xəzər Lənkəran” “Böyük oyun”un hazırlığına başladı

Premyer Liqanın V turu çərçivəsində səfərdə “Neftçi” nin qonağı olacaq “Xəzər Lənkəran” hazırlığına start verib. Futbolxeber.az-ın məlumatına görə, komanda Lənkərandakı bazasında dünəndən etibarən bir araya gələrək məşqlərini davam etdirir. Heyətdə zədəli futbolçu olmasa da, Sadio Tounkaranın “Böyük oyun”da meydana çıxması sual altındadır. Artıq 4 aydır ki, əməliyyat olunan malili futbolçu komanda ilə birgə məşqlərə qoşulsa da, meydana çıxmağa tam hazır deyil. Sentyabrın 18-nə qədər hazırlığı doğma şəhərdə davam etdirəcək “Xəzər Lənkəran” sonra matç üçün paytaxta yola düşəcək. Xatırladaq ki, qarşıdakı “Böyük oyun” sentyabr ayının 20-də saat 21.00-da “ Bakcell Arena”da start götürəcək.