İrlandiya-Küveyt oyunu irqçiliyə görə yarımçıq dayandırıldı

İrlandiyanın gənclər millisi ilə Küveyt yığması arasında keçirilən yoxlama oyununda qalmaqal yaşanıb.

Futbolxeber.az saytının xarici KİV-ə istinadən verdiyi məlumata görə, irqçiliyə məruz qalması səbəbindən İrlandiya millisi meydanı vaxtından əvvəl tərk edib. Belə ki, görüşün 86-cı dəqiqəsində britaniyalıların hücumçusunun ünvanına Küveytin ehtiyat oyunçular skamyasından irqçi ifadələr səsləndirilib. Məhz bu səbəbdən də Avstriyada keçirilən görüş 86-cı dəqiqədə yarımçıq dayandırılıb.

Qeyd edək ki, həmin vaxt 3:0 hesabı ilə öndə olan İrlandiya millisinin rəsmiləri insidentlə bağlı FİFA və UEFA-ya şikayət edəcəklərini bildiriblər.