"Bizim məqsədimiz bəllidir - həm nəticə, həm də publikanın hörmətini qazanmaq"

"Taktika barədə danışmağım düzgün olmazdı. Amma istənilən halda biz təslim olmamalı, uğura inanmalıyıq". Futbolxeber.az-ın məlumatına görə, bu sözləri Türkiyə millisinin baş məşqçisi Fatih Terim bu gün DÇ-2014-ün seçmə mərhələsi çərçivəsində Rumıniyaya qarşı keçiriləcək oyun haqda danışarkən deyib.

"İmperator" möcüzəyə inandığını gizlətməyib: "Bizim məqsədimiz bəllidir - həm nəticə, həm də publikanın hörmətini qazanmaq. Mümkün olmayan nəticələri qazanmaq daim mənim məqsədim olub. İndiki halda isə biz möcüzəni gerçəkləşdirməliyik. Bu isə bir neçə faktordan asılıdır. Hər zaman çalışmışam ki, azarkeşlər istedadlı futbolçuların ifasında baxımlı futbol izləsinlər. Oyunçular özlərinə inanmalı, dayanmadan çalışmalıdırlar. Əgər, bütün gücümüzü ortaya qoysaq, möcüzəni reallaşdıracağımıza inanıram".