Rusiya Azərbaycan millisinə çatdı

21 yaşadək futbolçular arasında Avropa çempionatının seçmə mərhələsində millimizin yer aldığı 7-ci qrupda bu gün 1 oyun keçirilib. Futbolxeber.az saytının məlumatına görə, Farer adaları doğma meydanda Rusiyanı qəbul edib. Görüş Rusiya millisinin 3:0 hesablı qələbəsi ilə başa çatıb. Bununla da xallarının sayını 7-yə çatdıran ruslar turnir cədvəlində millimizi çatıblar. Lakin şəxsi oyunlardakı üstünlüyə görə millimiz hazırda qrupda 4-cü, ruslar isə beşincidir. Rusiya yığmamızdan 1 oyun az keçirib. Farer adaları ardıcıl 8-ci oyunda uduzmaqla xala həsrətdir.

Qeyd edək ki, Azərbaycan millisi qrupdakı növbəti görüşünü sentyabrın 6-da Bakıda Farer adalarına qarşı keçirəcək.