Dzeko: "Gələcəyimlə bağlı qərar qəbul etməmişəm"

"Mançester Siti"nin hücumçusu Edin Dzeko gələcək karyerasından söz açıb. Futbolxeber.az-ın məlumatına görə, bosniyalı forvard "Uiqan"a qarşı İngiltərə Kubokunun finalı çərçivəsində baş tutacaq matç haqda da söz açıb: "Gələcəyimlə bağlı hələ qərar qəbul etməmişəm. Bu barədə mövsümün son 3 oyunundan sonra qərar qəbul edəcəyəm. İndi əsas hədəfimiz çempionatda ikinci yerimizi qorumaq və kuboka sahib çıxmaqdır. Hər kəs finalda asan qələbə qazanacağımızı düşünür. Amma mən bu fikirlərlə razı deyiləm".

Qeyd edək ki, Dzekonun xidmətində "Borussiya" (Dortmund), "Napoli" və "Milan" maraqlıdır.