Mançini Rusiyada çalışacaq?

Moskva ÇSKA-sı bu günlərdə “Qalatasaray”dan ayrılan Roberto Mançiniyə dəvət gönməyi planlaşdırır. Futbolxeber.az-ın Rusiya mətbuatına istinadən verdiyi məlumata görə, “hərbçilər”in prezidenti Yevgeni Giner xeyli vaxtdır 49 yaşlı mütəxəssisin xidmətində maraqlıdır.  

Buna qədər ÇSKA 2 dəfə Mançini ilə danışıqlar aparsa da, istəyinə çatmayıb. 2008-ci ildə ortaq məxrəcə gəlmək mümkün olmayıb. 1 il sonra isə italyan mütəxəssis “Mançester Siti”ni seçib.

Qeyd edək ki, Mançinin xidmətində maraqlı olan digər klub “Sautgempton”du.