Britaniyalı triatlonçu zədə səbəbindən “Bakı-2015”dən kənarda qaldı

Britaniyalı triatlonçu Helen Cenkins zədə səbəbindən “Bakı-2015” birinci Avropa Oyunlarında iştirak edə bilməyəcək. Futbolxeber.az-ın “Azərtac”a istinadən verdiyi məlumata görə, Helen Cenkinsin Bakıda keçiriləcək ilk Avropa Oyunlarına qatılmamasına səbəb dizindən aldığı zədə olub.

Dünya və Olimpiya çempionu Helen Cenkins deyib: “Bakıya gedə bilməyəcəyim üçün çox məyus oldum. Əfsuslar olsun ki, Britaniya komandasına kömək edə bilməyəcəyəm. Ayağımdakı zədə səbəbindən bir müddət məşqlərdən və yarışlardan uzaq qaldım. Bu dəfə isə dizimdən zədələndim”.

İkiqat dünya çempionu və ikiqat Olimpiya çempionu H.Cenkins Cənubi Afrikada Dünya Triatlon Seriyasında yarışmazdan əvvəl doqquz ay yarışlardan kənar qalmışdı. 2008-ci və 2011-ci illərdə İTU üzrə dünya titulunu qazanmış 31 yaşlı bu idmançı əvvəllər dabaq fasiti, sonralar isə ayaq problemindən əziyyət çəkib.