“Qarabağ” dünyada 111-cidir!

Beynəlxalq Futbol Tarixi və Statistikaları Federasiyası (IFFHS) dünyanın ən güclü klublarının reytinq cədvəlini açıqlayıb. Siyahıda 200 ən güclü komanda yer alıb. Avropa Liqasında 3 mərhələ keçən “Qarabağ” dünyanın 111-ci komandasıdır. Hesabında 119,5 xal olan Qurban Qurbanovun yetirmələri “River Pleyt” (Argentina), “Marsel” (Fransa), ÇSKA, “Anji” (hər ikisi Rusiya), “Udineze” (İtaliya), “Anderlext” (Belçika), “Malaqa” (İspaniya), “Nyukasl”, “Everton”, “Liverpul”, “Uiqan” (hamısı İngiltərə), “Volfsburq”, “Ştutqart” (hər ikisi Almaniya), “Kopenhagen” (Danimarka) kimi klubları arxada qoyur.

Sıralamaya “Bavariya” başçılıq edir. “Real” ikinci, “Çelsi” isə üçüncüdür. İlk “onluq”da həmçinin “Atletiko”, “Barselona”, PSJ, “Bazel”, “Atletiko Mineyro”, “Tottenhem” və “Benfika” klubları yer alıb. Ruslan Abışovun çıxış etdiyi “Rubin” isə 11-cidir.