45 il əvvəl bu gün: "Neftçi" Tiflis "Dinamo"sunu udub

Avroliqanın birinci təsnifat mərhələsinin ilk oyunu çərçivəsində “Qəbələ” bu gün səfərdə Tiflis “Dinamo”sunun qonağı olacaq. Futbolxeber.az-ın məlumatına görə, 2 iyul tarixində “Dinamo” dördüncü dəfə rəsmi oyuna çıxacaq. Əvvəlki 3 görüşün hamısı SSRİ çempionatı dövrünə təsadüf edib. Belə ki, 1951-ci ilin bu günündə “Dinamo” “VMC Moskva”nı Andre Zazroevin qolu ilə 1:0 hesabı ilə məğlub edib. 1989-cu ilin 2 yulunda Tiflis təmsilçisi Sankt-Peterburq “Zenit”indən üstün olub - 2:1. Dubl edən Kaxa Kaçrava “Dinamo”ya qələbə qazandırıb.

1970-ci ilin bu günündə isə “Dinamo” Bakıda “Neftçi”nin qonağı olub. Görüş “Neftçi”nin 1:0 hesablı qələbəsi ilə başa çatıb.