“Qarabağ” "Liverpul"u qabaqladı

Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının reytinq siyahısını açıqlayıb. Futbolxeber.az-ın məlumatına görə, 201 klubun adının yer aldığı siyahıda yenə yalnız 1 Azərbaycan təmsilçisi - “Qarabağ” yer alıb. Ötən ayla müqayisədə bu dəfə 2 pillə geriləyən Ağdam təmsilçisi hazırda 112-ci pillədə qərarlaşıb. “Qarabağ”ın aktivində 126 reytinq balı var. Bu göstərici ilə ağdamlılar siyahıda “River Pleyt” (Argentina), “Liverpul”, “Everton” (hər ikisi İngiltərə), “Monako” (Fransa), ÇSKA (Rusiya) kimi klubları geridə qoyub.