Terim: “Mən də “Real”ın məşqçisi olsaydım, belə deyərdim”

“Qalatasaray”ın təcrübəli baş məşqçisi Fatih Terim açıqlama verib. Futbolxeber.az-ın məlumatına görə “İmperator”, bu gün Çempionlar Liqasının 1/4 final mərhələsinin cavab oyunları çərçivəsində “Qalatasaray” və “Real” arasında keçiriləcək oyun haqqında danışıb: “Diqqətlə baxdıqda görərsiniz ki, ÇL-da necə güclü komandalar artıq mübarizəni dayandırıb. Bununla da “Qalatasaray”ın bu yerə gəlib çıxmaqla nələrə imza atdığını analaya bilərsiz. “Real” dünyanın ən güclü klublarından biridir. Biz onlarla qalib gəlmək istəyirik. Nəticədən asılı olmayaraq, azarkeşlərimiz üçün oynayacağıq. Futbolda hər şey mümkündü, lakin, “Real”la oyun asan olmayacaq. Bütün gücümüzlə mübarizə aparacağıq. Futbolçularımın da oyuna var qüvvə ilə köklənəcəklərinə şübhə etmirəm. Maurinyo deyib 0:2 hesabı bizi qane etmir?  Onu başa düşürəm. Mən də “Real”ın məşqçisi olsaydım, eynən belə deyərdim”.