Luçesku: "Bayer" bizdən qorxur"

"Şaxtyor"un baş məşqçisi Mirça Luçesku sabah Çempionlar Liqasının qrup mərhələsinin üçüncü turunda Leverkuzen "Bayer"inə qarşı keçirəcəkləri oyun haqda danışıb. Futbolxeber.az-ın məlumatına görə, rumın mütəxəssis qarşılaşmanın hər iki tərəf üçün mühüm əhəmiyyət kəsb etdiyini qeyd edib: "Növbəti mərhələyə yüksəlmək üçün sabahkı oyunda mütləq qələbə qazanmalıyıq. İlk oyunun nəticəsi rəqibə üstünlük verə bilər. Ümumi götürdükdə, biz heç ilk oyunda da uduzmamalıydıq. İlk yarıda onlar cəmi 1 qol epizodu yaratdılar. Təbii ki, bu, artıq geridə qalıb. İndi gələcəyə baxmalıyıq. Sabahkı oyuna yalnız qələbə üçün çıxacağıq. Bilirəm ki, son çempionat oyununda "Bayer" gücünü qoruyub, 5 aparıcı futbolçu meydana çıxmayıb. Onlar bizə təkcə hörmət etmirlər, həm də qorxurlar. Sabahkı matç bizim kimi "Bayer" üçün də mühüm əhəmiyyət kəsb edir".