“PSJ-nin mənimlə maraqlanması çox xoşdu”

Münhenqladbax “Borussiya”sının yarımmüdafiəçisi Kuadio Kone PSJ-nin onunla maraqlanması haqda danışıb.

Futbolxeber.az saytının “Goal”a istinadən verdiyi məlumata görə, 21 yaşlı futbolçu indiki məqamda diqqətini hazırkı klubunun uğurlarına yönəltdiyini bildirib:

“PSJ-nin mənimlə maraqlanması çox xoşdu. Mən Parisdə anadan olmuşam. PSJ əla klubdu, hansı ki Çempionlar Liqasında çıxış edir və əla heyətə malikdi. Bu komandada oynayarkən sən möcüzələr yarada bilərsən. Lakin hazırda mən “Borussiya”nın futbolçusuyam və bütün diqqətimi komandanın uğuruna yönəltmişəm. Gələcəkdə nə olacağı haqda indidən nəsə deyə bilmərəm”.

Qeyd edək ki, “Borussiya” ilə 2025-ci ilin yayına kimi müqaviləsi olan Kone cari mövsüm 15 matçda 1 qol vurub.