Jirkov karyerasını başa vurdu

Rusiya millisinin sabiq üzvü Yuri Jirkov futbolçu karyerasını başa vurub.

Futbolxeber.az saytının Rusiya mətbuatına istinadən verdiyi məlumata görə, bu haqda 39 yaşlı müdafiəçi açıqlamasında deyib:

“Artıq peşəkar futbolçu karyeram başa çatdı. Yəqin ki, bu qərar heç kim üçün sürpriz olmayacaq. Hələlik gələcəkdə hansı sahədə çalışacağıma qərar verməmişəm. İndiki məqamda yalnız həyatdan zövq almağa çalışıram”.

Qeyd edək ki, Tambovda anadan olan Jirkov peşəkar karyerasına yerli “Spartak”da başlayıb. Daha sonra ÇSKA, “Çelsi”, “Anji”, “Dinamo” və “Zenit” kimi klublarda forma geymiş veteran futbolçu son olaraq “Ximki”də çıxış edib.

O, karyerası ərzində 21 totul qazanıb. Onların arasında daha çox Moskva ÇSKA-sı ilə qazanılan UEFA kubokunu, “Çelsi”nin heyətində qazandığı İngiltərə çempionluğunu, ölkə kuboku və superkubokunu qeyd etmək olar.

Rusiya millisində isə Yuri 105 oyunda forma geyib və 2 qol vurub. Avro-2008-in bürünc medalını qazanıb.