Neymar azarkeşə sillə vurduğu üçün məhkəməyə verildi

Fransanın “Renn” futbol klubunun fanatı PSJ hücumçusu Neymardan məhkəməyə şikayət edib.

Futbolxeber.az saytının məlumatına görə, buna “PSJ” və “Renn” arasında keçirilən matç zamanı azarkeşlə Neymar arasında baş verən münaqişə səbəb olub. Nəticədə futbolçu fanatın üzünə sillə vurub.

Həmin hadisədən sonra Neymarın növbəti üç matçdan diskvalifikasiya olunduğu qeyd edilir.

Xatırladaq ki, bir müddət əvvəl Neymar braziliyalı model Najila Trindadi tərəfindən məhkəməyə verilmişdi. Sonuncu futbolçunu onu zorlamaqda ittiham edirdi. Məhkəmə iddianın sübutu üçün fakt yetməzliyini əsas gətirərək işə xitam vermişdi.