İspaniya millisində şok istefa

Dünya çempionatının startına bir gün qalmış İspaniya millisində ara qarışıb.

Futbolxeber.az saytının məlumatına görə, İspaniya Futbol Federasiyası Xulen Lopeteqini istefaya göndərib. Bu barədə federasiya rəhbəri Luis Rubiales mətbuat konfransında məlumat verib.

Rubiales verdikləri qərarı belə açıqlayıb: “Biz Lopeteqi ilə müqaviləni pozmağa məcbur idik. O, milli üçün əla məşqçi idi, amma biz bu cür hərəkətə göz yuma bilmərik. O, bizim məlumatımız olmadan hərəkət edib. Hazırda çox çətin durumdayıq. Amma futbolçu və məşqçi heyəti hər şeyi edəcək ki, uğurlu çıxış edək”.

Dünən Xulen Lopeteqinin DÇ-2018-in başa çatmasından sonra “Real”da baş məşqçi kimi fəaliyyət göstərəcəyi açıqlanmışdı.