Prosineçki: "Planlarımda Avropa klublarında çalışmaq var”

"Zaqreb və Belqradda baş məşqçi yeri boşalan kimi mətbuat məni önə çəkir. Açığı, bu hekayələrdən bezmişəm. Nəsə söyləsəm, müzakirələrə yol açacaq".

Futbolxeber.az saytının məlumatına görə, bu sözləri millimizin baş məşqçisi Robert Prosineçki vecernji.hr-a açıqlamasında deyib.

Xorvatiyalı mütəxəssis bildirib ki, heç bir milli komanda ilə əlaqəsi yoxdur: Məndən nə vaxt soruşublarsa, cavabım “yox” olub. Adımı hallandırdıqları üçün hamısına təşəkkür edirəm. Amma Serbiya yığmasında olmayacağam. Balkanlarda iş təcrübəm çoxdur. Planlarımda Avropa klublarında çalışmaq var”.

Qeyd edək ki, AFFA Prosineçki ilə dekabrda başa çatacaq müqavilənin müddətini uzatmayacağını açıqlayıb (qol.az).