“Prosineçki peşəkar deyildi”

İngiltərə millisinin sabiq üzvü və hazırda bu ölkənin “Stok Siti” klubundaçıxış edən Piter Krauç millimizin baş məşqçisi Robert Prosineçki ilə bağlı maraqlı açıqlama verib. Futbolxeber.az-ın məlumatına görə, o, xorvatiyalının futbolçu karyerası ilə bağlı mənfi fikirlər səsləndirib 

 

Krauç “Portsmut”da komanda yoldaşı olduğu Prosineçkinin yaxşı futbol oynasa da, siqaret aludəçisi olduğunu deyib: “Robert Prosineçki nadir hallarda dünyaya gələn futbol ustalarından biri idi. Ancaq o, heç də peşəkar deyildi. Robertin ən böyük dərdi siqaret idi. O, gün ərzində 2 qutu siqaret çəkirdi. Əslində, siqaret çəkmək qadağan idi. Buna baxmayaraq, Prosineçki bütün futbolçulardan üstün olduğunu sübut edirdi”. 

 

Qeyd edək ki, karyerası ərzində “Real” və “Barselona” kimi dünya nəhəngi klublarda çıxş edən Prosineçki 2001/02 mövsümündə “Portsmut”un formasını geyib.