Denisov rəsmən "Anji"də

"Zenit"in sabiq üzvü İqor Denisovun yeni klubu müəyyənləşib. Futbolxeber.az-ın məlumatına görə, 29 yaşlı futbolçu karyerasını "Anji"də davam etdirəcək. Denisovun keçidi Mahaçqala klubuna 15 milyon avroya başa gəlib. Qarşıdakı günlərdə təcrübəli yarımmüdafiəçi Avstriyada hazırlıq keçən yeni klubunun düşərgəsinə qoşulacaq. "Anji"nin baş direktoru Ayvaz Qaziaxmedov bildirib ki, Denisovla uzunmüddətli sözləşmə imzalayıblar. O keçidi qısaca olaraq belə şərh edib: "Təbii ki, biz çox şadıq. Bu cür hadisəyə biganə qala bilmrik. Biz İqorun simasında çox bacarıqlı bir futbolçuya sahib çıxdıq".

Qeyd edək ki, əvvəlcədən müqavilənin 4 illik olacağı bildirilirdi.  

Denisov özü isə bildirib ki, o son zamanlar Rusiyada ən dinamik şəkildə inkişaf edən kluba üz tutub.