Zidan: “Qranada”nı stimullaşdırmaq? Şərhsiz”

“Real”ın baş məşqçisi Zinəddin Zidan La Liqanın son turunda komandasının çempionluq şansı haqda danışıb. Futbolxeber.az saytının məlumatına görə, fransız mütəxəssis komandasının “Qranada”nı stimullaşdıracağı haqda yayılan xəbərləri şərh etmək istəməyib: “Mən “Qranada”ya inanıram? Bu haqda danışmaq istəmirəm. Üzərimizə düşəni bilirik. Hazırda bizi öz oyunumuz maraqlandırır. Digər klublar haqda nəsə deməyim düz çıxmaz. “Qranada”nı stimullaşdırmaq? Nə haqda danışdığınızı bilmirəm. Ona görə şərh vermək fikrində deyiləm. Biz yalnız futbol haqda düşünürük. “Deportivo” güclü komandadır. Onlara qarşı oyunumuz asan olmayacaq”.

La Liqanın son turu öncəsi “Barselona” “Real”ı 1 xal qabaqlayır. Son turda “Barselona” “Qranada” ilə, Madrid klubu isə “Deportivo” ilə qarşılaşacaq. Həlledici görüşdən öncə “Qranada”nın qapıçısı İvan Kelava katalonlardanxal alacaqları təqdirdi “Real”dan mükafat gözlədiklərini qeyd edib.