ÇL-in finalı üçün biletlərin qiyməti məlumdu: ən ucuzu 70 avro, ən bahalısı...

Çempionlar Liqasının cari mövsümünün final oyununun biletlərinin qiymətləri məlum olub. Futbolxeber.az-ın məlumatına görə, mayın 28-də “San Siro”da baş tutacaq həlledici qarşılaşmanın biletləri yenə də 4 kateqoriyaya bölünüb.

Ən ucuz, 4-cü kateqoriyanın biletləri 70 avroyadı. Ötən il olduğu kimi, üçüncü kateqoriyalı biletlərin qiyməti də dəyişməz qalıb - 160 avro. İkinci kateqoriyalı biletlərin qiyməti 320 avrodu. Bu da ötən illə müqayisədə 40 avro bahadı. ÇL-in finalı üçün ən bahalı bilet isə 440 avrodur ki, bu da ötən finalla müqayisədə 50 avro bahalaşma deməkdi.