Futbolçu qana boyandı, Avroliqa oyunu yarımçıq dayandı

Avroliqanın III təsnifat mərhələsinin ilk oyunu çərçivəsində keçirilən “Kukesi” (Albaniya) - “Legiya” (Polşa) görüşündə qalmaqal yaşanıb. Futbolxeber.az-ın məlumatına görə, Albaniyada baş tutan matç qonaqların futbolçusunun xəsarət alması səbəbinbən yarımçıq dayandırılıb. Alban azarkeşlərin meydana atdıqları daş qonaqların futbolçusu Ondrjey Duduya tuş gəlib. Nəticədə qana boyanan futbolçu meydanı xərəkdə tərk edib. Görüşün baş hakimi 51-ci dəqiqədə matçı yarımçıq dayandırmaq qərarına gəlib.

Qeyd edək ki, həmin ana qədər “Legiya” 2:1 hesabı ilə öndə idi. Baş verən insidentə görə meydan sahiblərinə texniki məğlubiyyət veriləcəyi gözlənilir.