Dünyanın ən bahalı futbol brendi - “Mançester Yunayted”

“Brand Finance” konsaltinq şirkəti futbol klubları arasında dünyanın ən bahalı brendlərini açıqlayıb. Futbolxeber.az-ın məlumatına görə, siyahıda 50 klubun adı yer alıb. Dünyanın ən bahalı futbol brendi “Mançester Yunayted”dir. “Qırmızı şeytanlar”ın dəyəri 1,2 milyard dollar həcmində göstərilib. İkinci pillədə “Bavariya” (933 milyon) qərarlaşdığı halda, ilk “üçlüy”ü “Real” (873 milyon) qapayır.

Ən bahalı 10 brend arasında həmçinin “Mançester Siti” (800 milyon), “Çelsi” (795 milyon), “Barselona” (733 milyon), “Arsenal” (703 milyon), “Liverpul” (577 milyon), PSJ (541 milyon) və “Tottenhem” (360 milyon) qərarlaşıb.

Sıralamada “Yuventus” 11-ci, “Milan” 14-cü, “Qalatasaray” 19-cu, “Fənərbaxça” isə 33-cüdür.