Klub prezidenti “Dnepr”ə məğlubiyyətə görə futbolçuları cəzalandırdı

“Olimpiakos”un futbolçuları Avroliqanın 1/16 final mərhələsində “Dnepr”ə məğlubiyyətə görə 500 min avro cəzalanıblar. Futbolxeber.az-ın məlumatına görə, bu haqda qərarı klubun prezidenti Evanqelos Marinakos qəbul edib. O, deyib: “Olimpiakos” Yunanıstanın ən böyük klubudur. Hər kəs bu məsuliyyəti hiss etməlidir. “Olimpiakos”un formasını geymək hər futbolçu üçün şərəf olmalıdır. Hər kəs komandaya hörmətlə yanaşmalıdır. Kluba hörmət etməyənlər getsinlər”. Xatırladaq ki, “Olimpiakos” “Dnepr”ə iki oyunun nəticəsinə görə 2:4 hesabı ilə uduzmaqla Avroliqayla vidalaşıb.