Ronaldo “Qızıl buts”a qovuşdu

“Real”ın hücumçusu Kriştianu Ronaldo ötən mövsümün yekununa əsasən sahib çıxdığı “Qızıl buts” mükafatına qovuşub. Futbolxeber.az-ın məlumatına görə, portuqaliyalı ulduz deyib: “İlk növbədə komanda yoldaşlarıma təşəkkür etmək istəyirəm. Onlar olmasaydı, bu mükafatı qazanmazdım. Həmçinin ailəmə, azarkeşlərə, mənə dünyanın ən yaxşı klubunda oynamaq şəraiti yaradanlara minnətdaram. Karyeram ərzində üçüncü dəfə “Qızıl buts” qazanıram. Azarkeşlərin sevgisini hiss etmək çox xoşdur. Oyunumla bu sevginin qarşılığını verməyə çalışıram”.

Qeyd edək ki, 2013/14 mövsümündə Ronaldo La Liqada 31 qol vurub. Cari çempionatda isə artıq onun hesabında 17 qol var.