"Levante" oyun satmaqda ittiham olunur

İspaniya La Liqasının 31-ci turu çərçivəsində keçirilən "Levante" - "Deportivo" oyununun nəticəsi (0:4) şübhə altına düşüb. Futbolxeber.az-ın məlumatına görə, İspaniyanın Futbol Federasiyası hazırda sözügedən oyunun danışılmış olub-olmadığını araşdırır. İlkin məlumatlara görə, "Levante"nin bəzi futbolçularının oyunu satdıqları güman edilir. Eləcə də adları açıqlanmayan həmin oyunçuların bu cür çirkin işlə ilk dəfə məşğul olmadıqları da ehtimallar arasındadır. Amma hazırda məsələ araşdırıldığından, ictimaiyyətə geniş açıqlama verilmir.

Qeyd edək ki, "Levante" klubunun futbolçularının həqiqətən də oyun satdıqları təsdiqini tapsa, o zaman həmin oyunçular 2 ildən 5 ilə kimi futboldan uzaqlaşdırıla bilərlər.