“İnter”in sabiq futbolçusu dünyasını dəyişdi

Məşhur belaruslu futbolçu Valentin Belkeviç dünyasını dəyişib. Futbolxeber.az-ın Sports.ru-ya istinadən verdiyi məlumata görə, o, 42 yaşında ürək çatışmazlığından vəfat edib.

Mərhum karyerası ərzində yalnız 3 klubun - Minsk “Dinamo”sunun, Kiyev “Dinamo”sunun və Bakı “İnter”inin heyətində çıxış edib.

2008-ci ildə “İnter”lə 1 illik müqavilə imzalayan Belkeviç, mövsümün gedişində məşqçilik lisenziyası aldıqdan sonra qarşılıqlı razılıq əsasında Bakı klubunu tərk edib. Futbolçu karyerasına son qoyaraq, məşqçiliyə başlayıb. Onun sonuncu iş yeri də Kiyev “Dinamo”sunun  əvəzedici heyəti olub.

Karyerası ərzində Belkeviç 4 dəfə Belarus, 7 dəfə Ukrayna çempionu olub. Ölkəsində 1 dəfə ilin (1995), 1 dəfə isə onilliyin ən yaxşı futbolçusu adına sahib çıxıb.