“Qalatasaray”dan Aleksə görə 10 milyonluq təklif

“Qalatasaray”ın növbəti transfer hədəfi bəlli olub. Futbolxeber.az-ın məlumatına görə, İstanbul təmsilçisi “Şaxtyor”un yarımmüdafiəçisi Aleks Teyşeyranı heyətinə qatmaq istəyir. “Qalatasaray” rəhbərliyi Ukraynadakı siyasi vəziyyətdən yararlanaraq, braziliyalı futbolçunun keçidini bitirmək fikrindədir. 24 yaşlı futbolçuya görə “Cim-Bom” qarşı tərəfə 10 milyon avro təklif edir.

Qeyd edək ki, “Şaxtyor” hələ ki “Qalatasaray”ın təklifinə rəsmi şəkildə cavab verməyib. Amma futbolçunun özünün İstanbula gəlməkdə maraqlı olduğu bildirilir.