Mureşan “Xəzər Lənkəran”dakı karyerasını yada saldı

“Xəzər Lənkəran”ın sabiq futbolçusu Andrey Mureşan karyerasını “Şerif”də davam etdirəcək. Futbolxeber.az-ın məlumatına görə, bu günlərdə “Şerif”lə müqavilə imzalayan rumın futbolçu, klubun rəsmi saytına müsahibə verib. Müsahibə zamanı Mureşan, “Kuban” və “Xəzər Lənkəran”da möhkəmlənə bilməməsi barədə sualı belə cavablandırıb: “Kuban”da mən yarım il icarə əsasında çıxış etdim. Komanda Premyer Liqayla vidalaşdıqdan sonra oradan ayrıldım. “Xəzər Lənkəran”la həmin vaxt il yarımlıq müqavilə imzalamışdım. Sözləşmənin müddəti başa çatdıqdan sonra da vətənə qayıtdım”.

Qeyd edək ki, 2011-2012-ci illərdə "Xəzər Lənkəran"ın şərəfini qoruyan mərkəz müdafiəçisi, meydana çıxdığı 41 oyunda 1 qol vurub.