“Bu, 20 il ərzində dünya çempionatında oynamayan komanda üçün əla debütdu”

Kolumbiya millisinin baş məşqçisi Xose Pekerman DÇ-2014-ün ilk turunda Yunanıstanı 3:0 hesabı ilə darmadağın etdikləri oyun barədə danışıb. Futbolxeber.az-ın məlumatına görə, Pekerman komandasının sərgilədiyi oyundan razı qalıb: “Bu, 20 il ərzində dünya çempionatında oynamayan komanda üçün əla debütdu. Sərgilədiyimiz oyuna görə çox şadam. Amma biz hələ ciddi heç nə qazanmamışıq. Kolumbiya futbolunun hazırda nə qədər güclü olduğunu hər kəsə göstərməliyik. Bu gün isə yalnız ilk oyunu qazandıq. Bu gün qələbəni bayram edirik, sabahdan isə Fil Dişi Sahili ilə oyunun hazırlığına başlayacağıq”.