Portuqaliya millisinin bugünkü məşqinə 12 min azarkeş toplaşdı

Portuqaliya millisinin bu gün baş tutan məşq prosesinə azarkeşlər böyük maraq göstəriblər. Futbolxeber.az-ın məlumatına görə, Portuqaliyanın məşqini 12 min azarkeş canlı olaraq stadiondan izləyib. Arenada həmçinin təhlükəsizliyi təmin etmək üçün 300 polis, eləcə də hazırlıq prosesini izləmək üçün 200 jurnalist iş başında olub.

Məşq zamanı bir neçə azarkeş meydana daxil olaraq, Kriştianu Ronaldoyla görüşmək istəsə də, təhlükəsizlik xidmətinin əməkdaşları bütün cəhdlərin qarşısını alıblar. Məşqdən sonra Ronaldo özü azarkeşlərə yaxınlaşaraq onlara avtoqrof paylayıb. Bir neçə dəqiqə ərzində fanatlarla ünsiyyətdə olan ulduz futbolçu bəzi azarkeşlərə forma da hədiyyə edib.