Mustafa Dənizli: “Derbi “Qalatasaray” üçün xüsusi əhəmiyyət daşıyır”

“Xəzər Lənkəran”ın baş məşqçisi Mustafa Dənizli sabah Türkiyə Superliqasının 28-ci turu çərçivəsində keçiriləcək “Qalatasaray” - “Fənərbaxça” matçı haqda danışıb. Futbolxeber.az-ın məlumatına görə, Türkiyə mətbuatına verdiyi açıqlamada Dənizli İstanbul derbisinin taleyini həll edə biləcək futbolçuların adlarını açıqlayıb: “Bu oyunun nəticəsi turnir cədvəlində lideri dəyişməyəcək. Ancaq "Qalatasaray" üçün bu matç xüsusi əhəmiyyət daşıyır. "Cim Bom"un matçı qazana bilməsi üçün azarkeşlərin dəstəyi lazımdır. Bu olmasa, onlar üçün çətin olacaq. "Qalatasaray" azarkeş dəstəyi olduğu zaman daha yaxşı çıxış edir. Hər bir derbidə digər futbolçulardan üstün oyun nümayiş etdirən oyunçular olur. "Qalatasaray"dan Sneyder, Burak Yılmaz, Melo "Fənərbaxça"dan isə Gökhan Gönül, Musa Sou və Emenikedən çox şey asılı olacaq".