UEFA-nın "Araz"la bağlı biabırçı səhvini “İdman Azərbaycan” da nümayiş etdirir

Hazırda futzal üzrə “Dördlər finalı”nın yarımfinal matçı çərçivəsində “Araz” “Barselona” ilə üz-üzə gəlir. Futbolxeber.az-ın məlumatına görə, Naxçıvan klubu turnirə ev sahibliyi etsə də, matçın gedişində təmsilçimizlə bağlı biabırçı səhvə qeydə alınır.

Belə ki, UEFA futzal klubu “Araz”ın əvəzinə futbol klubu “MKT-Araz”ın loqosunu təqdim edir. Həm UEFA-nın rəsmi saytında, həm də hazırda matçı canlı olaraq yayımlayan “İdman Azərbaycan” kanalında gedən titrlərdə futzal klubunun deyil, futbol komandasının (“MKT-Araz”ın) loqosu yer alır.

“İdman Azərbaycan” kanalından öyrəndik ki, bu biabırçı səhvin kanalla heç bir bağlılığı yoxdur. Canlı yayımda aradabir (ekranın aşağı hissəsində) nümayiş olunan həmin titrlər kanala deyil, UEFA-ya məsxusdur.

Təmsilçimizin növbəti matçında “İdman Azərbaycan” kanalının bu biabırçı səhvi düzəldəcəyi gözlənilir.