AFFA 6 klubu cərimələdi

AFFA İntizam Komitəsi “Kəpəz”i cərimələyib.

Futbolxeber.az saytının məlumatına görə, Azərbaycan Premyer Liqasının XI turunda “Turan Tovuz”la matçda 4 futbolçusu sarı vərəqə aldığına görə Gəncə klubu 700 manat cərimə edilib.

Azərbaycan Premyer Liqasının XI turunun “Qəbələ” ilə oyununa Təcili Tibbi Yardım avtomobili təyin edilmiş vaxtdan gec gəldiyinə görə “Sumqayıt” klubu 1000 manat cərimə edilib.

Matç bitdikdən sonra meydançaya kənar şəxslər daxil olduğuna görə “Sumqayıt” klubu əlavə 800 manat cərimə edilib.

“Neftçi” - “Sabah” oyunundan sonra hər iki cərimələnib. “Sabah” 4 futbolçusu sarı vərəqə aldığına görə 700 manat, “Neftçi” isə oyun bitdikdən sonra meydançaya kənar şəxs daxil olduğuna görə 800 manat cərimə edilib.

“Araz-Naxçıvan” və “Qarabağ” da vərəqə limitinə görə cərimələniblər. “Araz-Naxçıvan” 6, “Qarabağ” isə 5 futbolçusu sarı vərəqə aldığına görə hər iki klub 700 manat cərimə olunub.