Kapitan: "Qarabağ"a daha 1-2 qol vura bilərdik"

“Bayer Leverkuzen”in kapitanı Robert Andrix Avropa Liqasının qrup mərhələsinin 3-cü turunda “Qarabağ”a qalib gəldikləri matç haqda danışıb.

Futbolxeber.az saytının “Kicker”ə istinadən verdiyi məlumata görə, o, 5:1 hesabı ilə qalib gəldikləri oyundan sonra verdiyi açıqlamada qeyd edib ki, daha 1-2 qol imkanları olsa da, bundan yararlana bilməyiblər:

"Əyləncəli oldu. Sadə və anlaşılan şəkildə oynadığımız zaman şanslarımız olurdu. 5:1 hesabı qulağa yaxşı gəlir. Düzdür, istədiyimiz üç xalı qazandıq, amma daha bir-iki qol vura bilərdik. Hamı bizim büdrəyəcəyimizi gözləyir. Təhlükəli olan da budur. Biz güclü tərəfimizi bilirik. Onu da bilirik ki, bunlar təsadüfi deyil. Məşqçi heyəti və komandanın birgə əməyi sayəsində bu yerə gəlmişik".

Xatırladaq ki, “Qarabağ” və “Bayer Leverkuzen” arasındakı ikinci matç noyabrın 9-da Bakıda keçiriləcək.