"Qəbələ" növbəti mərhələdə

“Qəbələ”nin U-19 komandası UEFA Gənclər Liqasında növbəti oyununa çıxıb.

Futbolxeber.az saytının məlumatına görə, "qırmızı-qaralar" 1-ci mərhələnin cavab matçında Macarıstanın “Puşkaş Akademiya” komandasının qonağı olub və 1:0 hesabı ilə qalibi gəlib.

Komandalar arasında Qəbələdə keçirilən görüşdə 1:1 hesabı qeydə alınıb.

Beləliklə, iki görüşün nəticəsinə əsasən Azərbaycan təmsilçisi növbəti mərhələyə yüksəlib.

Qeyd edək ki, "Qəbələ" növbəti raundda "Olimpiakos" (Yunanıstan) - "Leççe" (İtaliya) duelində mərhələ adlayan komanda ilə qarşılaşacaq. Bu komanmdalar arasındakı ilk matçda yunanlar öz meydanlarında 3:1 hesablı qələbə qazanıblar.

UEFA Gənclər Liqası

Çempionlar yolu, I mərhələnin cavab oyunu

25 oktyabr

“Puşkaş Akademiya” (Macarıstan) - “Qəbələ” (Azərbaycan) - 0:1

Qol: Kənan Baxışov, 56