“Neftçi” “Kəpəz”lə oyuna 2 itki ilə hazırlaşır

“Neftçi” Premyer Liqanın 10-cu turunda qarşılaşacağı “Kəpəz”lə matçın hazırlığını davam etdirir.

Futbolxeber.az-ın klubun saytına istinadən verdiyi məlumata görə, “Turan Tovuz”la oyunun ertəsi günü bərpa məşqi edən “ağ-qaralar” bir günlük istirahətdən sonra - oktyabrın 11-də hazırlığa başlayıb.

Bu gün “Türk Hava Yolları Futbol Mərkəzi”ndə baş tutan məşqdə zədəlilər - Sezar Meza Kolli və Eddi İsrafilov iştirak etməyiblər.

Qeyd edək ki, “Kəpəz” - “Neftçi” oyunu oktyabrın 16-sı saat 15:00-da Gəncə şəhər stadionunda keçiriləcək.