Elmar Baxşıyev: “Sonda keyfiyyət sözünü dedi”

"Kubok oyunları 2 matçdan ibarətdir. Rəqibin səviyyəsi göz önündədir. Əzmkarlıq sayəsində müqavimət göstərmək istəyirdik. Sonda keyfiyyət sözünü dedi. Bununla belə, komandamın oyununa görə şadam".

Futbolxeber.az saytının məlumatına görə, bu sözləri "Qəbələ"nin baş məşqçisi Elmar Baxşıyev Azərbaycan Kubokunun 1/4 final mərhələsinin ilk oyununda səfərdə "Qarabağ"a 1:3 hesabı ilə uduzduqları oyundan sonra mətbuat konfransında deyib.

O, bütün futbolçulardan istifadə etdiyini söyləyib: "Bu gün üçün ən optimal heyət budur. Murad Musayevə də şans verəcəyik. Bütün günahı müdafiəçilərin üstünə atmaq düzgün deyil. Biz oyuna öz prizmamızdan hazırlaşırıq. "Qarabağ" imkan verdiyi qədər oynadıq".

Baxşıyev növbəti mərhələ şanslarının davam etdiyini bildirib: "Şans həmişə var. Cavab matçına daha motivasiyalı çıxacağıq. Əlimizdən gələni edəcəyik".