Avroliqa: "Qarabağ" ilk xalını qazandı

Bu gün Avropa Liqasında qrup mərhələsinin 5-ci turunun oyunları keçirilir.

Futbolxeber.az saytının məlumatına görə, "Qarabağ" İstanbulda "Makkabi"ni qəbul edib.

Matç 1:1 hesabı ilə başa çatıb. Bu, təmsilçimizin 2020/2021 mövsümündə Avroliqanın qrup mərhələsində qazandığı ilk xaldır

Qrupun digər oyununda "Vilyarreal" səfərdə “Sivasspor”u 1:0 hesabı ilə məğlub olub. Bununla da İspaniya təmsilçisi soan 1 tur qalmış 13 xalla qrup liderliyini təmin edib.

1/16 finala ikinci vəsiqənin taleyi isə son turda keçiriləcək “Makkabi” - “Sivasspor” oyunundan sonra müəyyənləşəcək. Hazırda İsrail təmsilçisinin 8, Sivas klubunun isə 6 xalı var. Bu isə o deməkdir ki, “Sivasspor” mübarizəni davam etdirmək üçün mütləq son turda səfərdə qələbə qazanmaqdır. Məğlubiyyətdən başqa istənilən nəticə sayəsində “Makkabi” qrup ikincisi kimi 1/16 finala adlayacaq.

UEFA Avropa Liqası, 5-ci tur

İ qrupu

3 dekabr

“Qarabağ” (Azərbaycan) - “Makkabi” (Təl-Əviv, İsrail) 1:1

Qollar: Yonatan Kohen, 22-pen.(0:1), Xayme Romero, 37 (1:1)

Baş hakim: Robert Hennessi (İrlandiya).

İstanbul. “Başakşəhər Fatih Terim” stadionu