"Neftçi"yə qarşı sakit başla oynamaq istəyirik"

"Son iki oyunda qazandığımız nəticələrdən sonra komandada müsbət ab-hava var. Çətin olsa da, son matçda 3 xal qazana bildik. Üzərimizdə təzyiq var idi, amma inamlı qələbə qazandıq".

Futbolxeber.az saytının məlumatına görə, bu sözləri Makedoniya "Şkupi"sinin futbolçusu Faton Yusufi klubun saytına açıqlamasında deyib.

O, qarşıdakı oyunda da qalib gələrək Avropa Liqasının 1-ci təsnifat mərhələsinin "Neftçi" ilə qarşılaşmasına yüksək əhval-ruhiyyədə çıxmaq istədiklərini bildirib: "Bakıda sakit başla keyfiyyətli oyun göstərmək və qələbə qazanmaq istəyirik".

Qeyd edək ki, avqustun 27-də 8-ci km qəsəbə stadionunda keçiriləcək "Neftçi" - "Şkupi" oyunu saat 20:00-da başlayacaq.