Elxan Məmmədov: “Baş məşqçi məsələsi ilə bağlı hər hansı qərar qəbul olunmadı”

AFFA İcraiyyə Komitəsinin bu gün keçirilən iclasında milli komandamızın baş məşqçisi məsələsi ilə bağlı heç bir qərar qəbul olunmayıb.

Futbolxeber.az saytının məlumatına görə, bu barədə AFFA-nın icraçı vitse-prezidenti Elxan Məmmədov açıqlama verib.

O bildirib ki, İcraiyyə Komitəsinin bugünkü iclasında hər bir komitə üzvü məşqçi məsələsi ilə bağlı fikirlərini bildirib: “Baş məşqçi məsələsi uzunmüddətli qərardı. Yeni qaydalara uyğun olaraq bugünkü seçkidən sonra bütün sənədlər dövlət orqanlarına göndəriləcək və çıxarış çıxarılacaq. Həmin çıxarışda üzvlərin adları qeyd olunacaq. Yalnız bundan sonra qərarlara baxılacaq. Bugünkü iclasda namizədlərin müzakirə oldu. İcraiyyə Komitəsinin hər bir üzvü fikrini bildirdi. İlk növbədə istiqaməti bilməliyik ki, axtarışlarımız ona uyğun aparılsın”.