"Keşlə" venesuellalı yarımmüdafiəçini transfer edir

“Keşlə” Valeri Kutsenkodan sonra daha bir legioneri transfer edəcək.

Futbolxeber.az saytının məlumatına görə, Tərlan Əhmədov Angelo Penyanı bəyənib. Venesuela yığmasında çıxış etmiş yarımmüdafiəçi Əhmədovun etimadını qazanıb.

Belə ki, futbolçunu canlı izləmək mümkün olmasa da, onun əvvəlki klublarında oyunları izlənilib və məhz bundan sonra ölkəmizə dəvət olunub. Penyanın 1-2 gün ərzində Bakıya gələcəyi və onunla dərhal müqavilə imzalanacağı gözlənilir. 29 yaşlı hücumameyilli yarımmüdafiəçi karyerası ərzində “Braqa”, “Portimonense”, “Karakas”, “Nautiko, “Zamora” klublarında oynayıb. Onun son klubu da ölkəsinin “Mineyros de Quayana”dı.