Vaqif Cavadov Rusiya klubunda

“Sumqayıt”dan ayrılan Vaqif Cavadovun yeni klubu müəyyənləşmək üzrədir.

Futbolxeber.az saytının məlumatına görə, yenidən Cavadov Rusiya Premyer Liqasında çıxış edəcək. Belə ki, onun Premyer Liqanın debütantı “Orenburq”un maraq dairəsinə düşdüyü deyilir.

Sportal.az saytı yazıb ki, artıq tərəflər transferlə bağlı bir çox məsələlərdə anlaşıblar. Müqavilənin bəzi detalları üzrə müzakirələr sona çatan kimi bu transfer barədə rəsmi məlumat veriləcək.

Qeyd edək ki, Vaqif Cavadovun Rusiya Premyer Liqasında oyun təcrübəsi var. O, 2011/12-ci il mövsümündə “Volqa”da 11 oyunda meydana çıxıb.

Xatırladaq ki, Vaqif ÇSKA Moskvasının yetirməsidi.