Kanales gedişini şərh etdi

Nikolas Kanales “Neftçi”dən ayrılması haqda yayılan xəbərləri şərh edib. Futbolxeber.az-ın məlumatına görə, çilili hücumçu öz tvitter səhifəsində qısaca belə yazıb: "Yəqin ki, bu, Tanrının istəyidir. Mənim üçün belə yaxşıdır”.

Qeyd edək ki, Nikolas Kanales ötən yay "Neftçi"yə transfer olmuşdu. Qısa zaman kəsiyində komandanın liderlərindən birinə çevrilən çilili forvard Premyer Liqanın bombardiri olmaqla yanaşı, "ağ-qaralar"ın ölkə kubokunu qazanmasında və Avroliqanın qrup mərhələsinə yüksəlməsində böyük rol oynayıb. Lakin mövsüm başa çatdıqdan sonra Nikolas Kanales "Neftçi"dən astronomik məbləğ tələb edib. Klub rəhbərliyi də onun təklifini qəbul etmədiyindən, tərəflər yollarını ayırıblar.