“Xəzər Lənkəran”ın baş məşqçisi: “Ola bilsin ki, sözləri çəp gəlib”

“Xəzər Lənkəran”ın baş məşqçisi Elbrus Məmmədov Premyer Liqanın XXXI turunda “Qəbələ”yə 0:1 hesabı ilə uduzduqları oyundan danışıb. Futbolxeber.az saytının məlumatına görə, Məmmədov görüşlə bağlı bunları söyləyib: “Qol epizodlarımız olsa da, dəyərləndirə bilmədik. Həlledici anlarda futbolçularda soyuqqanlılıq çatmadı. Rəqib qapımıza endirdiyi ilk zərbədəcə hesabı açdı. Bəlkə də futbolçularımız “fair-pley”ə görə bir-iki saniyə dayandılar. Amma buna görə rəqibi qınamaq istəmirəm. Son sözü hakim deyir”.

“Xəzər Lənkəran”ın çalışdırıcısı matçın sonuna yaxın komandasının iki futbolçusu - Orxan Sadıqlı və Nodar Məmmədov arasındakı mübahisəyə də toxunub: “Xoşagəlməz epiozddur. Bu, yorğunçuluqdan irəli gəlir. Ola bilsin ki, sözləri çəp gəlib” (CBC-Sport).