Azərbaycanlı hakimdən biabırçı qərar

Bu gün başa çatacaq II Qəbələ Kubokunun son günündə maraqlı hadisə yaşanıb. Futbolxeber.az-ın məlumatına görə, bir qədər öncə başa çatan "Qəbələ" - "Zenit" oyununda azərbaycanlı hakim Yusif Hüseynov analoqu olmayan qərar qəbul edib. Belə ki, meydan sahiblərinin "Zenit"lə görüşünün taleyini penaltilərlə həll olunub. Sonuncu penaltisini yerinə yetirən təmsilçimiz hesabda 4:2 önə keçib. Bu zaman rəqibin ehtiyatda 1 penaltisi qalırdı. Amma həmin penalti heç nəyi dəyişməyəcəkdi və dünya praktikasından məlumdur ki, bu cür hallarda hakimlər sonuncu, heç bir əhəmiyyət daşımayan penaltinin vurulmasına icazə vermirlər. Lakin Yusif Hüseynov qonaqların sonuncu penaltini yerinə yetirməyinə icazə verib. Həmin penalti qola çevrilsə də, yekun nəticədə nəzərə alınmayıb.

Qarşılaşmadan sonra "Zenit"in baş məşqçisi də sözügedən olayın anormallıq olduğunu bildirərək, hakimin kobud səhvə yol verdiyini bildirib.